好耐無打字，現在太得閒，打番的

我想我只能夠分享的是1件事

我減緊肥，無錯，因為仲有1星期，我就減左3個月拉

呢件事，我唔係同好多人講過，所以未必好多人知

講出來可能你地會唔信，但係絕對係事實

3個月前，我有成190磅，現在我只係得番163磅

是呀，唔好問我吋數減幾多，我真係無記得

3個月減30磅，係我的目標，現在仲有3磅，希望可以減完佢

因為我想牛年改新型象，俾大家看下，仲有我想改變我自己

通通都改變，因為我知唔改變係目前的環境就係死路1條

牛年，你們見到的是新的我，或者我再襯唔起黃波呢個名

PS1: 唔該，BMI大過26的，唔好叫我肥仔，因為我瘦過你

PS2:遲的，你們會係某些書刊見到我減肥前/減肥後的相片

很久無打字，現在得閒打少少。

08年可能真係太痛苦，我想

希望各位跟我1樣，仲有這30幾日內開心番

其實，由細到大，我都無想過做1個強者

因為我知道，我無能力，更加無實力去做呢的野

如困將慾望放出來，我知我法去滿足，所以我從來唔去扮同去沖

做個低級人，甚至係最下的階層，可惜我法做

中學到現在都係，我唔係的咩強人，我願意做的係1個所謂的弱者

但現實係迫我，佢日日都係到迫我，迫我去變強，迫我1步1步行下去

但我真係無想過要行，亦無想過要行下去，因為唔適合

但我可以嗎?唔好再迫我，好痛苦，都係果句，可唔可以俾少少愛我?

或者折墮講句，可唔可以可憐下我呢?

PS:其實，我真係想過去死，但我真係做唔出手

PS2:我唔想做繼承人，但我無弟弟

PS3:我想做的係弘晝，逍遙王爺

其實，我好唔開心

每天同自己講，如果有苦說不出，而你又無事，那麼你便有資格活下去

到今日，好多人(識我淺果的)認為我好開心，好快樂，好羨慕

但當你做我的時候，你就知好多事，我不能做，而有些我又必需做

有得有失，個個人都係錦，我有比你多的野，而你又會有比我好的野

但世界好奇怪，不能交換

累了，有時我都想過自殺，不過自己又怕痛，下唔到手

加上自己太多太多責任未去完成，點死(最少都要我父母百年好合，細妹嫁出先)

1個人行呢條路好辛苦，所以唔好羨慕我，而我亦是1個唔會羨慕人的人

我由中秋節無聊到現在，我真係好Dry(唔好意思，借用1下)

無聊到係，每晚得x閒就上網看「新上海灘」

大陸，黃曉明果套，不過我成日覺得扮馮生(馮程程老豆)果個唔係錦好

講的係兄弟情/感情/恩情/利益/仇恨，4個字「恩怨情仇」

有時都問下自己，其中1個係你，你會點呢?

我喜歡看上海灘，因為佢的背後的故事教識我何為人格魅力

如果你跟1個大佬，需要咩條件先，又或者做大佬的時候，有需要的乜野

當然我唔係講緊做黑社會，做1個領袖，需要的乜野

基本上，就係1個字，「豪」

豪爽的金錢，豪放的態度，豪邁的魅力，豪情的說話

沒有，人格魅力唔會放出來，就唔似做大事的人

當然不能只看人格魅力，還要看好多的條件

金融海嘯，死淨的，如果還有金錢的，將會係下1個牛市的強者

請問你或你的家庭，傷左筋骨未呢? 托賴，我家還未

PS:歌詞寫得好「浪裡浮沉著悲喜煎熬」 悲喜原來可以用煎熬來形容